By Mon Datol
Impeachment ke PBBM Ibinasura ng Kamara; Lusot din Pangulo Marcos sa flood control anomaly; ‘25% kickback nina Joel Villanueva, Jinggoy Estrada dokumentado’; Sara Duterte dinikdik sa ikatlong impeachment; Papel lang, walang ebidensya’ – VP Sara; Lacson binira mga Pinoy na traydor; 5 senador ayaw kay Marcoleta, Loren Legarda bulilyaso sa Senate presidency
————————-
Sa botong 39-4-0 (yes-no-abstained) ay ibinasura ng Justice Commtte ng Mababang Kapulungan ng Kongreso sa pamumuno ni Cong Gervile Luistro ng Batangas, ang 2 impeachment complaints kontra Pangulong Ferdinand Marcos, Jr. Lunes ng umaga, Pebrero 9, dahil sa ‘insufficient in substance’ Sa madaling salita…
Bigo mga DDS patalsikin sa Malacanang si PBBM.
********
Wala rin nakita ang Senate Blue Ribbon Committee na basehan para papanagutin si Pangulong Bongbong Marcos Jr. kaugnay ng anomalya sa flood control projects, ayon kay Senate President Pro Tempore at Blue Ribbon Chair Panfilo Lacson, kayat sa madali ring salita ay salampak na naman mga DDS dahil…
Lusot si PBBM sa anomalya sa baha.
********
Nanindigan din si Sen. Ping Lacson na may dokumento hinggil sa pagtanggap ng kickback sa proyekto nina Senador Joel Villanueva at Jinggoy Estrada kaya inirekomenda niya bilang chairman ng Senate Blue Ribbon Committee na kasuhan sa Ombudsman ang dalawang senador.
Hala, himas rehas na Villanueva at Estrada? Dapat lang.
********
Ayon kay Lacson, ang testimonya ni dating DPWH Usec. Roberto Bernardo sa komite ay napatotohanan ng mga alokasyon sa General Appropriations Act (GAA) at iba pang dokumento. P625- million sa hininging P1.5 billion ni Villanueva para sa multi-purpose na 25% kumisyon. Maang-maangan pa si Kaka, pero…
Wala ng lusot. Huli na si balbon.
********
Kay Senator Estrada, “P355 million worth of projects, different projects, anim o pitong projects, pagkatapos may porsiyento na ‘yung nakalista na sinasabi ni Bernardo at tumugma naman doon sa sinabing binigay, dinala doon sa Artiaga building,”,” paliwanag ni Lacson sa isang radio interview nitong Linggo.
Balik-Oblo na naman si Jinggoy?
********
Tanging sina Villanueva at Estrada lang umano ang nakitaan ng ebidensiya dahil ang ibang dinawit ni Bernardo, tulad nina Senador Mark Villar, dating Senador Grace Poe at Nancy Binay ay kulang sa dokumento. Walang validation, walang corroborative na dokumento, paliwanag pa ni Sen. Ping, kaya’t…
Lusot sa kaso sina GP, NB at MV.
********
Inihain ang ikatlong impeachment complaint laban kay VP Sara Duterte nitong Lunes na mayroong 13 complainant na kinabibilangan ng mga pari at madre, sa tanggapan ni House Secretary General Cheloy Garafil, na inendorso ni House Deputy Minority Leader at Mamamayang Liberal party-list Rep. Leila de Lima.
Pati taong-simbahan kinasuhan na rin si Inday Sara.
********
Binatikos naman ni VP Sara Duterte ang bagong impeachment complaints laban sa kanya sa pagsasabing “baseless” at “abuse of process” dahil walang kalakip na ebidensya na susuporta sa mga akusasyon at…
Isang papel lang na mga paratang. Ha? Talaga lang, Inday?
********
Lulutang daw muli at handa umano si Ramil Madriaga, dating aide at umano’y bagman ni VP Sara, na tumestigo sa impeachment proceedings at Office of the Ombudsman kapag siya ay pormal na pinatawag. Lalabas na tunay na katauhan ng mga tumanggap ng confi funds mula sa Bise Presidente na ilalantad ni Madriaga, tulad nina…
Mary Grace Piattos at iba pang cartoon characters. Abangan.
********
Nagbabala si Senate President Pro Tempore Ping Lacson laban sa mga tinawag niyang “homegrown traitors”, o mga Pilipinong handang ibenta ang Pilipinas kapalit ng pansariling pakinabang,
at ang ganitong mga traydor, kasama ng technical intelligence, ang pinakakaraniwang pinanggagalingan ng impormasyon sa geopolitics. Sila yong mga …
Makapiling Pinoy na me bayong sa ulo.
********
Nuong Sabado, mariing tinutulan ni Sen. Lacson ang mungkahi umano ni Sen. Rodante Marcoleta na isuko ang Kalayaan Island Group (KIG), na aniya’y walang pinagkaiba sa pagsuko ng Luzon o maging ng buong bansa.
Pilipinas me-ari ng KIG at bayan yan ng Palawan.
********
Muntik nang maging Senate President si Sen. Loren Legarda noong Miyerkoles kung hindi ipinilit ng mga kaalyado nina Sen. Allan Peter Cayetano na ibalik si Sen. Rodante Marcoleta bilang chairman ng Senate Blue Ribbon Committee, ayon sa isang Senate source, na nagsabing…
Bumaliktad agad 5 Senador na ayaw ke Marcoleta sa BRC.
********
Ani pa Senate insider ang nabigong kudeta ay pinangunahan nina Senate Minority Leader Alan Peter Cayetano at Sen. Imee Marcos matapos umatras nga ang limang senador na kabilang sa majority nang malaman na ibabalik si Marcoleta bilang Blue Ribbon chair.
Paktaylo na si Marcoleta, baka pati INC, bitawan na siya.
********
SHORT ORDER: Happiest birthday (February 6) to our Ditseng Baby Datol-Lei of Jaen, NE, from wifey Frances & children Mabel & Edgar & children Nicole & Kyle; Yeng & Lenny & children Iyam & Yumi of Toronto; from your hubby Bayaw Vic, children Jing, Oliver, Lala, & all your grandchildren; Greetings, too, from sister Mila D.Tucker, hubby Martin Tucker & Family from England and from sister Flora D. Quinto & hubby Guy Quinto & Family from New Jersey and Tuguegarro….Happy birthday to my dear friend Roberto Valdes (February 7) of Surrey, BC…Happy birthday to my friend Brgy. Langla, Jaen, NE Chairman Emiliano Hernandez (February 8) greetings from his Family & Brgy. Sto. Tomas North Chairman Abay Larry Baguisa, Yorme Eboy Esquivel, Pempe Cullado & Brgy. Chairmen of Putlod, Imelda, Marawa, Sto. Tomas South & other barangays of Jaen, NE… God Bless.
– 30 –
ReyFort Media 
Leave a comment